ILOILO CITY – Kabug-usan nga P4.2 Million ang igahatag nga financial assistance sang Iloilo City Government para sa mga naapektuhan sang Bagyo Ursula sa Western Visayas.
Ini matapos nga gin-aprobahan sang City Disaster Risk Reduction and Management Council ang resolusyon nga magahatag sang ayuda ang Iloilo City Government.
Sa interview sang Bombo Radyo kay Iloilo City Mayor Jerry Treñas, iya ginpahayag nga magalab-ot sa P300,000 ang igahatag nga bulig sa tagsa ka Local Government Unit nga nagdeklarar sang State of Calamity.
Suno kay Treñas, lakip sa magabaton sang ayuda amo ang probinsya sang Aklan kag pila ka banwa sa Kalibo, Malay, Sigma, Ibajay kag Roxas City sa Capiz, Pandan, Caluya kag Libertad sa Antique kag Concepcion, Carles, Batad kag Balasan sa Iloilo.
Ginpahayag ni Treñas nga ang pondo ang halin sa Quick Response Fund sang Disaster Risk Reduction Management.
