ILOILO CITY- Nagalab-ot sa P400M tubtob P500M ang pierdehon sang Iloilo City kada adlaw bangud sa power outage.
Sa interview sang Bombo Radyo kay Mayor Jerry Treñas, iya ginpahayag nga base sa rough estimate sang Local Economic Development and Investment Promotion Center, sa sulod lang sang tatlo ka adlaw, P1.5 B gid ang madula sa syudad.
Suno kay Treñas, ini nga kapierdehan ang may dako gid nga epekto sa ekonomiya sang syudad ilabi na sa sektor sang negosyo.
Pahayag sang alkalde, kun indi maghulag ang Energy Regulatory Commission, Department of Energy, amo man ang Kongreso agud i- pressure ang National Grid Corporation of the Philippines nga mag-improve sang serbisyo, padayon nga magaantos ang syudad.
