ILOILO – Nagpanugyan si Iloilo City Mayor Jerry Treñas sa mga empleyado sang city government offices nga indi mag gasto sang dako para sa ila nga Christmas party.
Sa interview sang Bombo Radyo kay Mayor Treñas, iya ginpahayag nga bangud malapit sa nagahilapit na ang paskwan sunod-sunod naman ang pag selebrar sang Christmas parties gani nagapangabay siya kag gina enganyo niya nga ang mga empleyado ila na sa city hall nga indi mag gasto sang dako kag kun mahimo pilion ang pinakabarato nga venue.
Suno kay Treñas, mahimo man nga sa city hall nalang nila hiwaton ang christmas party bangud mas maka tipid sila diri kag gamiton nalang ang ila nga kwarta sa mas kinahanglan nila.
