Ginalauman nga matapos na ang padayun pa nga konstruksyon sang sports center sa Jalandoni Memorial National High School sa Distrito sang Lapuz.
Ang proyekto amo ang inagurahan sang tuig 2021 kun sa diin ginhatagan ini sang budget nga P200 Million.
Ini nga sports center amo ang mangin lugar para sa mga mga sa mga sports kaangay sang basketball, tennis, volleyball kag iban pa nga klase sang sports.
Sa pagpadulong sang Bombo Radyo sa nasambit nga lugar, nakit-an nga wala pa ini sang atop kag oval para sa mga track and field sports nga tani isa ka pruweba nga wala pa matapos ang proyekto bisan nga Dec. 26 subong nga tuig ang completion date nga nakabutang sa project billboard sang natuhoy nga proyekto.
Suno kay Arlene Joy Alonzaga, Principal sang Jalandoni Memorial National High School, naghatag naman sang update ang contractor sang proyekto angot sa development sang sports center kag nagrason ini nga wala pa matapos ang proyekto bangud sa mga natural nga kalamidad kaangay sang linog kag bagyo nga nagakatabo sa pungsod.
Ini man isa nila ka tikang agud masiguro ang safety sang mga construction workers kag iban pa nga may kaangtanan sa proyekto.
Pahayag man ni Alonzaga nga iya ginapangabay nga matapos na ang ini agud magamit na sang mga estudyante ang sports center.
