Iloilo Gov Defensor, nagsabat sa isyu sang delayed nga procurement sang mga bulong sa mga hospital

Ginsabat ni Iloilo Governor Arthur Defensor Sr. ang isyu nga ginahaboy sang iya mga kasumpong sa pulitika natuhoy sa delayed nga procurement sang mga bulong sa mga government hospitals sa probinsya sang Iloilo.

Sa interview sang Bombo Radyo kay Defensor, iya ginpahayag nga ginabaliskad lang sang iya mga kasumpong sa politika ang isyu.

Partikular nga gintumod ni Defensor si Iloilo 4th district Congressman Ferjenel Biron nga suno sa gobernador, wala sang binuligan sa mga hospitals sa kwarto distrito.

Samtang, gin-ako naman ni Defensor nga may kakulangan gid man siya apang suno sa gobernador, kabahin man diri sa Biron bangud naga-intra man ini sa bidding kag tama pa ini kaatrasado sa pagdeliver sang bulong nga ginadala niya sa bidding.