ILOILO – Nagpasalig ang Iloilo Police Provincial Office nga tungdan sa gihapon sang mga kapulisan ang katungdanan kadungan sang ginahiwat nga 1st Provincial Director’s Inter-District Sportsfest umpisa sang Mayo 18 kag nagapadayon tubtub subong.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag tinututuyo sang sportsfest nga i-promote ang promote physical fitness kag maayo nga pakig-abyan sang mga Ilonggo Cops pinaagi sa pagpartisipar sa basketball, volleyball, badminton kag dart games.
Suno kay Araño, tuman ka importante ang paghangaw-hangaw sang mga kapulisan sa tuman ka kakapoy nga magpangalagad sa publiko.
Nahibaluan nga ginabugusan sang anum ka mga teams nga ginalakipan sang 300 ka mga Ilonggo cops nagikan sa provincial office kag lima ka mga distrito sa Iloilo ang nagapasakop sa sportsfest.
Nahibaluan nga nangin dinapit nga bisita si Engr. Niel Tupas III, Executive Assistant ni Iloilo Gov. Arthur Defensor Jr., sa nasambit nga aktibidad.
