Iloilo Provincial Veterinary Office, ginaproseso na ang paghatag sang financial aid sa hograisers nga apektado sang ASF

ILOILO CITY- Ginaproseso na sang Provincial Veterinary Office ang ihatag sang Iloilo provincial government nga bulig pinansyal sa mga hog raisers nga yara sa red zones sa lima ka mga banwa nga apektado sang African Swine Fever.

Ini nga mga banwa amo ang New Lucena,Alimodian, Santa Barbara, Leganes kag Mina.

Suno kay Dr. Darel Tabuada, head sang Provincial Veterinary Office, indibidwal nga ihatag sa hog farmers ang financial aid kag indi na mag-agi sa mga Local Government Units.

Sa bahin sang Barotac Nuevo kag Dumangas napaidalom man sa red zone category, wala pa nasuguran ang pagproseso sang ila asisstance.

Matandaan nga una na nahatagan ang banwa sang Oton sang masobra isa ka milyon ka pesos,kag San Miguel nga nakabaton sang masobra tunga sa milyon ka pesos.