ILOILO CITY- Natalana na nga mapapauli ang isa ka Overseas Filipino Worker (OFW) nga masobra isa ka bulan nga na-stranded sa Incheon Airport sa South Korea.
Ang amo nga Ilonggo amo si Fritz Paderna, temporaryo nga nagtinir sa Las Vegas City, Nevada, USA.
Sa interview sang Bombo Radyo kay Iloilo City Lone District Representative Julienne “Jam-Jam” Baronda, iya ginpahayag nga matapos niya nahibaluan ang natuhoy sa amo nga Ilonggo matapos ginbalita sa Bombo Radyo, gilayon ini nga nagsulat sa Department of Foreign Affairs (DFA) agud mahatagan ini sang bulig.
Suno kay Baronda, gilayon man nga nagbalos ang ahensya sa ginpadala niya nga sulat kag nagpasalig nga papaulion ang Overseas Filipino Worker.
Nagpasalamat naman ang mamalidha bangud sa madasig nga paghatag sang igtalupangod sang nasambit nga ahensya.
Nahibaluan nga nadula ang mga personal nga dokumento sang OFW rason nga na-stranded ini sa Incheon Airport sa South Korea.
