Wala gihapon matumod sang otoridad kun sa diin naghalin ang lapsag nga nasapwan wala na sang kabuhi nga nagalutaw sa punong sang Brgy. South San Jose, Molo, Iloilo City.
Sa interview sang Bombo Radyo kay Lenore Ravena Enriquez, City Social Welfare and Development – Molo District Focal Person, iya ginpahayag nga kumpirmado naman nga indi sa South San Jose naghalin ang bata bangud wala sang narekord nga residente nga nagabusong sa lugar.
Suno kay Enriquez, ginausisa man sang kapulisan ang iban nga barangay agud mahibaluan kun may yara sila sang record sang mga pumuluyo nga nagabusong nga posible iloy sang lapsag.
Matandaan nga nasapwan-patay sang isa ka manugpangisda ang lapsag nga fully developed na, kag isa ka baby girl.
Gindala ini sa simbahan kag ginpamisahan bag-o ginhatagan sang disente nga pagpalubong.
