ILOILO – Padayon ang pag-imbentaryo sa mga quarantine facility sa probinsya sang Iloilo.
Sa interview sang Bombo Radyo kay Iloilo Gov. Arthur Defensor Jr., iya ginpahayag nga katuyu-an sang inventory amo nga mahibalu-an kun ano ang kulang agud nga gilayon ini nga mahatagan sang solusyon.
Suno kay Defensor, magahatag sang bulig ang Iloilo Provincial Government sa kutub sang masarangan ilabi pa nga may maga-abot na nga Locally Stranded Individuals sa mga masunod nga semana.
Ginpahayag ni Defensor nga back to basic ang pagahimuon agud nga indi na madugangan ang kumpirmado nga kaso sang Coronavirus Disease 2019 (COVID-19) sa Iloilo.
Sa subong, makabig nga ‘manageable’ ang pag-abot kag ang pagtatap sang mga Locally Stranded Individual sa tagsa ka quarantine facility.
