ILOILO CITY- Nagalaum ang Department of Health Region 6 para sa mas manubo nga firecracker related injury may kaangtanan sa holiday celebrations subong nga tuig.
Sa interview sang Bombo Radyo kay Dr. May Ann Sta. Lucia, head sang Department of Health Region 6 Health Promotion Cluster, iya ginpahayag nga sa bahin sang ahensya, padayon ang ila kampanya para sa alternatibo nga paghimo sang gahud sa baylo nga maggamit sang palupok.
Suno kay Sta. Lucia, magluwas nga praktikal, mapahilayo pa sa peligro ang kabuhi.
Dugang pa ni Sta. Lucia, mas manami magsug-alaw sang 2023 nga kompleto ang 10 ka tudlo sa kamot.
Base sa data sa Online National Electronic Injury Surveillance System sang ahensya,may duha pa lang ka kaso sang fireworks related injury sa rehiyon-isa sa Iloilo kag isa sa Negros Occidental.
