ILOILO CITY – Mas madamo pa subong ang napa-wow matapos nga mismo ang US-based kag sikat nga rapper nga si Nicki Minaj ang nakakita kag nag-react mismo sa latest nga TikTok video sang young actor nga si Joshua Garcia.
Sa video nga gin-upload ni Joshua, nagasaot ini sa latest hit ni Nicki Minaj kun sa diin, nag-comment sang heart nga emoji ang rapper.
Sa isa lang ka adlaw, nagdangat sa masobra sa 20 million views kag malapit sa 4 million likes ang video ni Joshua.
Ang 24 anyos nga si Joshua ang una nga na-notice sa amo nga social media platform sa iya pinakauna nga entry sang December 2021 kun sa diin, nagdangat na ini sa masobra sa 138 million views.
Sang nagligad nga bulan, nagdaog ini sang top prize sa annual awarding ceremony sang nasambit nga social networking site kaupod sa comedy superstar nga si Vice Ganda.
