ILOILO – Nagsabat si Iloilo Police Provincial Office (IPPO) Director Police Col. Marlon Tayaba sa ginapahayag hugot nga pagbantay sang mga pulis sa kampo ni Iloilo 4th District Ferjenil Biron may kaangtan sa vote buying.
Sa interview sang Bombo Radyo kay Col. Tayaba, iya ginpahayag nga indi goons sang kampo sang mga Defensor ang mga otoridad bangud ginapatuman lamang nila ang layi sa diin wala sila sang may ginahatagan sang pabor.
Suno kay Tayaba, ginasunod lamang nila ang mandu ni Presidente Rodrigo Duterte.
Dugang pa sang IPPO director, ila gilayon nga gina-aksyunan ang ila mismo nga maaktuhan nga mga vote buying sa lugar.
Una na nga ginpahayag ni Tayaba nga may yara na sang masobra 30 ka mga reklamo ang ila nabaton nga nagapamakal sang boto.
