ILOILO CITY- Nakarecord ang Iloilo Police Provincial Office sang 20 ka mga violators umpisa sang ginpatuman ang gun ban sang Commission on Elections may kaangtanan sa Barangay and Sangguniang Kabataan Elections 2023.
Sa interview sang Bombo Radyo kay PMaj Rolando Araño, spokesperson sang Iloilo Police Provincial Office, iya ginpahayag nga sa sini nga mga violators, nakarekober ang otoridad sang 11 ka armas- luthang, 10 ka deadly weapons kag isa ka explosive.
Suno kay Araño, sa subong, nakapatigayon na sila sang 4,000 ka checkpoints sa bilog nga probinsya.
Ginpahayag naman sang natungdan nga sa 92 ka mga barangay nga ginakabig areas of concern sa Iloilo, wala pa man sang narecord nga election related incidents sa sini nga mga lugar.
