Nagpadala ang Iran sang bag-o nga proposal para sa isa ka negosasyon sa Estados Unidos paagi sa Pakistan.
Ini nagahatag sang paglaum nga mauntat na ang nagapadayon nga tension sa tunga sang mga pungsod.
Sa karon, wala pa sang ginpaguwa nga detalye nahanungod sa proposal kag wala pa sang kumpirmasyon nahanungod sini.
Nahibaluan nga nagapabilin nga mataas ang tensyon sa karon sa tunga sang mga pungsod apisar may ara sang ceasefire halin pa sang Abril 8.
Padayon nga naapektuhan ang global energy markets bangod sa krisis sa Strait of Hormuz, kun sa diin mataas gihapon ang presyo sang gatong.
Ginapabaskog naman sang Iran ang ila depensa kag nagpaandam nga magabalos ang mga ini kon sila ang paga-atakehon.
Sa karon ginatungdan ni US President Donald Trump ang isa ka legal nga deadline angut sa nagakatabo nga giyera, apang wala pa sang tikang nga ginapalanuhan nahanungod sa pagpa-untat na sang gyera.
Apisar nagapadayon ang diplomatic efforts sa tunga sang duwa ka kampo, nagahalong sa gihapon ang duha ka kampo bangud sa delikado gihapon ang sitwasyon nga may posibilidad sang mas lala nga pag-escalate.
