Madamo kita sang mga bagay nga “indi mahimo” bangud sang aton nga kahuya.
Sa pihak nga bahin, madamo man kita sang mga bagay nga “sarang mahimo” bangud sa amo man nga rason — ang aton nga kahuya.
Sa Malaysia, ginapiyestahan ang video sang isa ka babayi nga nagbayad sa bilog nga sinehan agud indi mapasulod ang iban nga mga tawo samtang nagalantaw siya sang pelikula.
Ginkilala ang babayi nga si Eriyca Baiduri, isa ka Malaysian influencer.
Makit-an sa video nga nagapungko si Eriyca sa cinema hall samtang nagakaon sang popcorn kag nagahulat nga magsugod na ang pelikula.
Bangud ginbakal niya ang tanan nga tickets sa sinehan, makit-an nga wala sang tawo sa 10 ka raya sang bangko kun sa diin tag-16 kuntani ka indibidwal ang ma-cater sa kada row.
Pahayag pa ni Eriyka, isa siya ka introvert rason nga ginbakal niya ang tanan nga pulungkuan bangud indi siya gusto mag-upod sa iban.
Madamo naman ang nagmuno nga nagapadayaw-dayaw ini bangud manggaranon; samtang may iban naman nga nagasiling nga kun may kuwarta man sila, himuon man nila ini agud makalikaw sa gahod sang iban nga mga tawo.
Nahibaluan nga kada ticket sa Malaysia ang nagabili sang P132 tubtub sa P418.#
