ILOILO CITY – Tuman naman ang pagpasalamat sang isa sa mga naka-avail sang libre nga medical services sa Bombo Medico 2019.
Sa interview sang Bombo Radyo kay Delia Gumban sang Brgy. Tigum, Pavia, Iloilo, iya ginpahayag nga madugay na niya nga gina-agwanta ang pagkabungol.
Sang mahibalu-an ang tuhoy sa Bombo Medico, wala gid niya gin-usik ang kahigayunan nga ipakunsulta sa doktor ang iya dulunggan.
Ginpahayag ni Gumban nga wala lang niya nahibalu-an kun ano gid ang rason sang iya nga pagkabungol.
Magluwas diri, naka-avail man ang natungdan sang iban pa nga medical services kasubong sang masahe kag vitamins.
