PAVIA, ILOILO – Ginpanginwala sang parking attendant sang GT Mall-Pavia ang iya kahilabtanan sa pagpatay sa assistant manager sang isa ka fast food chain sa Gonzaga St., Purok 4, Pavia, Iloilo.
Sa interview sang Bombo Radyo kay alyas Randy, iya ginpahayag nga matuod nga may yara sila sang ginbaisan sadto sang biktima nga si Eira Jane Fabiaña, 22, apang may yara na sang settlement nga natabo.
Suno kay Randy, lima na ka bulan ang nakaligad sang nagpangyo siya sang pasaylo kay Fabiaña.
Magluwas diri, ginpahayag man ni Randy nga wala man siya
nakapadulong sa balay ni Fabiaña gani maathag nga wala siya sang kahilabtanan sa krimen.
