Nagpanawagan ang World Health Organization (WHO) sa Hamas nga buy-an ang mga sibilyan nga hostages.
Suno kay WHO director-general Dr. Tedros Adhanom Ghebreyesus, tuman na ka lala ang sitwasyon sa gyera sa tunga sang Israel kag militante nga Hamas kag ang makaluluoy amo ang mga sibilyan kag kabataan.
“War will bring nothing but destruction and horror,” pahayag sini sa World Health Summit sa Berlin. Dugang pa sini, “WHO calls on Hamas to release civilian hostages, and we continue to appeal to Israel to abide by its obligations under international law to protect civilians and health facilities.”
Fabrice Coffrini/Pool via REUTERS/File Photo
Namunuhan man sini ang limitado nga oras nga ginhatag sang Israel agud makabakwit ang masobra isa ka milyon nga mga residente halin sa northern Gaza padulong sa nabagatnan nga bahin sang strip. Ginhatag sang Israeli military ang amo nga warning antes sini patigayunon ang air kag ground assault agud dalayon nga madugmok ang Hamas.
“Asking 1.1 million people to move from north to south Gaza in such a short window will create a humanitarian tragedy.The forced evacuation of patients and health workers will further worsen the humanitarian and public health catastrophe,” suno pa kay Ghebreyesus.
Nagpaandam man ang organisasyon nga nagapangatubang na ang Gaza sang ‘imminent’ public health crisis bangud nagakahubas na ang tubig.
Nabutang man sa bibi sang kamatayon ang kabuhi sang 3,500 ka mga pasyente sa 35 ka mga hospital sa Gaza Strip bangud ginalabagan man ang bulig nga pasulod sa teritoryo sang Palestine.
Magluwas diri, ginahingyo man sa Israel ang pagbalik sang kuryente kag tubig kag ang safe delivery sang pagkaon, medical supplies, kag iban pa nga humanitarian aid.#
