Nagpasugot ang Israel nga maghatag sang apat ka oras kada adlaw agud untaton ang ila military operations sa Northern Gaza.
Photographer: Mahmud Hams/AFP/Getty Images
Suno kay United States National Security Council spokesperson John Kirby, iga-anunsyo subong nga adlaw ang una nga “humanitarian pause” kag nagpasalig man ang Israel nga ipahibalo sini sang abanse kun san-o sila magasugod sang ila ihatag nga apat ka oras kada adlaw.
Una na nga ginsiling ni Israeli Prime Minister Benjamin Netanyahu nga wala sang matabo nga “ceasefire” tubtub indi paghilwayon sang Hamas ang tanan nga bihag.
Ang tiempo nga ila ihatag kada adlaw amo ang oras nga makasulod ang ayuda para sa mga sibilyan kag makapalagyo naman ang iban halin sa amo nga teritoryo sa Gaza.
Nahibaluan nga sandig sa anunsyo sang Gaza Health Ministry, masobra na 10,000 ang napatay sa amo nga Strip halin sang ginsuguran sang Israeli military ang ila nga operasyon nga nagatuyo nga pulbuson ang Hamas militants kag ang ila tanan nga pwersa-militar. #
