Kumplikado ang relasyon ni President Ferdinand “Bongbong” Marcos Jr. sa pamilya Duterte.
Ini ang gin-ako mismo sang presidente kasunod sang asud-asud nga mga makahang nga tinaga sang amay nga Duterte — si anay Presidente Rodrigo Duterte — batok sa chief executive.
Apang dugang ni Marcos sa iya sabat nga “it’s complicated”, padayon ang iya maayo nga relasyon kay Vice President Sara Duterte nga iya man runningmate sa eleksyon sang 2022.
“The one, of course, that I have the most contact with is Inday Sara and how we’re with each other during the campaign. After the election, it hasn’t really changed,” pahayag ni Marcos kadungan sang 50th Anniversary Presidential Forum sang Foreign Correspondents Association of the Philippines.
Dugang sang presidente: “That’s what she always says. I said, ‘Oh, are you all right na you’re in the middle of all of these?’ She says, ‘No, I’ll just work. Don’t worry about it. I’ll just work and work and work and work.’ That’s her attitude.”
Matandaan nga nangin sentro sang kontrobersiya ang pagtawag anay ni ex-President Duterte kay Marcos nga “bangag” kag “addict”. Ginsilingam man sini si Marcos nga makuntento na lang kag indi na mag-ambisyon nga maglawig pa sa pwesto.
Si VP Sara naman ang una naman nagdepensa nga maayo ang ila relasyon ni President Marcos — personal kag propesyunal.#
