Gin-anunsyo na sang Philippine National Volleyball Federation (PNVF) ang pangalan sang players nga magatiglawas sang Pilipinas para sa 33rd Southeast Asian Games sa Thailand sa Disyembre.
Ginkuha sang federation ang players halin sa Premier Volleyball League (PVL) kag sa University Athletic Association of the Philippines (UAAP).
Magapanguna ang beterana nga setter nga si Jia de Guzman kaupod sanday Julia Coronel kag Mars Alba.
Ang mga libero amo sanday Dawn Macandili-Catindig, Jen Nierva, kag Justine Jazareno, samtang ang opposite spikers amo sanday Alyssa Solomon, Leila Cruz, kag Kat Tolentino.
Yara man sanday Shaina Nitura, Eya Laure, Vanie Gandler, Angel Canino, Bella Belen, Alleiah Malaluan, Dell Palomata, Maddie Madayag, Thea Gagate, Fifi Sharma, kag Amie Provido.
Katapusan nga nakadaog ang Pilipinas sang gold medal sa women’s volleyball sang 1993.
Antes magkadto sa Thailand, magahanas anay ang team halin sa November 15-30 bilang preparasyon sa biennial meet.
