ILOILO CITY- Buksan na sa Oktubre 15, 2023 ang P591 million nga Jibao-an flyover.
Ang flyover nga gin-umpisahan sa pagtukod sang 2020 ang naka-position sa Iloilo Circumferential Road kag nagalaba sang 240 metros nga may 2 lanes nga naga-lapad sang 20-meter-span.
Sa interview sang Bombo Radyo kay Department of Public Works and Highways (DPWH) Region 6 officer-in-charge Regional Director Engr. Sanny Boy Oropel, iya ginpahayag nga sa pihak sang delays nga tuga sang sunod-sunod nga pag-inulan sa Iloilo, positibo ini nga dako ang mabulig sang flyover agud masolusyunan ang problema sa trapiko sa area.
Suno kay Oropel, magapatuman man sila sang final safety inspection bag-o buksan sa publiko kag mangin fully operational.
Suno sa iya,sa subong, may mga work protection sa idalom sang flyover para man indi makatuga sang huol sa mga motorista samtang padayon ini nga gina-ubra.
Dugang niya, padayon man nila nga gina-monitor ang proper construction methodology para masiguro ang safety kag kapag-on sang flyover.
Nahibaluan nga ang kontraktor sang Jibao-an flyover amo ang International Builders Corporation (IBC) nga kontraktor man sang nagpalpak nga Ungka flyover.
