ILOILO– Hustisya ang ginapangayo sang mga job hires sa Iloilo City Hall matapos sila ang ginpahog nga indi pag hatagan sang job order kun indi nila pag suportaran ang anay mayor sang syudad kag kun indi sila mag tambong sa Pag ulikid meeting.
Sa interview sang Bombo Radyo kay Dennis Biñas isa sa mga job hire kag maintenance man sa Iloilo City Hall iya ginpahayag nga nag file na sila sang affidavit of complaint batok sa pila ka mga regular nga employees nga yara sa bahin sang anay mayor nga ginapahayag nagpamahog sa ila.
Suno kay Binas, luyag nila mahatagan sang hustisya ang indi maayo kag indi patas nga pagtrato sa ila.
Dugang pa sang natungdan, luyag nila nga mag ubra lang kag indi nila gusto nga mag intra pa sa pampulitika nga mga buluhaton sa sulod sang City Hall.
