Gin-aprubahan na sang Kamara de Representantes ang ikaduha nga pagbasa sang gina-proponer nga Anti-Political Dynasty Act nga nagatuyo nga indi pagpahanugutan ang dulungan nga pagpungko sang magpinamilya sa pwesto.
Sa idalom sang House Bill No. 8389, indi pwede nga makapadalagan ukon magpungko sa pwesto sa kaangay nga lokalidad ang mag-asawa ukon pamilya sini tubtob sa second degree ang relasyon.
Dala na diri ang mga posisyon sa barangay, munisipyo, syudad, probinsya, kag distrito sa Kamara.
Ginpangunahan ini nanday Speaker Faustino “Bojie” Dy III kag Majority Leader Sandro Marcos nga layi kag ginsuportaran man sang masobra 170 ka mga mamalidha.
Katuyuan sang sini nga layi amo nga pabaskugon pa ang pagpati sang publiko sa gobyerno kag matagaan sang insakto nga oppurtunidad ang iban nga tawo nga maka-serbisyo sa publiko.
