ILOILO CITY- Dako ang salabton sang AC Energy Corporation may kaangtanan sa natabo nga oil spill bangud sa paglupok sang power barge sa Bo. Obrero, Lapuz, Iloilo City.
Sa interview sang Bombo Radyo Iloilo kay AnaKalusugan partylist Representative Mike Defensor, iya ginpahayag nga indi lamang clean-up operation ang katungdanan sang nasambit nga korporasyon.
Suno kay Defensor, dapat bayaran sang operator sang power barge ang mga pumuluyo nga nahalitan kag nadulaan sang palangabuhian bangud sa oil spill.
Nagalaum naman si Defensor nga macomply sang AC Energy Corporation ang ila salabton bangud pananglitan nga mapaslawan, una nga mangin tikang sang kongresista amo nga iduso sa House of Representatives ang imbestigasyon angot sa insidente.
Samtang, nakigsapol naman ang Kamara upod si Department of Environment and Natural Resources Undersecretary Ben Malayang kag ang Ayala Company nga AC Energy Corporation nga tag-iya sang naglupok nga power barge.
Suno kay Defensor, kalakip sa mga naistoryahan amo ang pagpatigayon sang clean up operation sa kadagatan nga apektado sang oil spill santo sa Philippine Clean Water Act.
