Gina-alegar nga heat stroke ang ginkamatay sang tatlo ka mga driver sang jeep sa Pangasinan.
Ini ginabug-usan sang duha halin sa banwa sang Calasiao kag isa naman halin sa eastern Pangasinan — suno sa statement sang One Pangasinan Transport Federation (OPTF).
“Lagi ko sinasabi na talagang mainit yung panahon, tulad ngayon itong oras na ito. Magpahinga lang sila. Huwag nilang ipilit kung talagang hindi nila kaya para was din sa trouble,” suno kay OPTF President Bernard Tuliao.
Una na nga nagpaandam ang PAGASA nga masobra 30 ka mga lugar sa pungsod ang maka-eksperyensya sang delikado nga lebel sang heat index sang Lunesm, Mayo 6, nga magalab-ot sa 47°C.
“’Yung mga nasa labas na mga traffic aids natin, mga policemen, mga delivery men, mga jeepney drivers, dapat may baon sila na tubig. Tricycle drivers, ganun po. Dapat handa po sila laging may dalang tubig,” suno kay Dagupan Health Officer Ophelia Rivera.
Sa separado nga statement sang PAGASA, ginsiling man nga “worst is over” kun pagahambalan ang tuman ka init nga tyempo sa Pilipinas subong nga tuig.
Suno kay climate monitoring and prediction section chief Ana Liza Solis, posible nga na-rekord na ang pinakamataas nga aktwal nga temperatura subong nga tuig kasunod sang napagkit sa Tarlac sang Abril 27 nga nagdangat sa 40.3 degrees Celsius.#
File Photo: Politiko North Luzon
