Gin-appoint sang Miss World Philippines 2021 ang tiglawas sang Bataan nga si Dindi Pajares bilang Miss Supranational Philippines 2021.
Ini ang isa sa mga titulo sa pageant.
Mismo si MWP national director Arnold Vegafria ang nagpresenta sang korona kay Dindi kadungan sang announcement nga gin-stream pinaagi sa facebook page sang organization.
Suno kay Arnold, ang Ilongga nga si Ruffa Nava, Kathleen Paton, kag Megan Campbell ang pila man sa ginpili-an.
Apang mayorya sa mga kandidata sang Miss World Philippines ang nagpili kay Dindi.
Natalana ang beauty queen nga magpadulong sa Poland sa Agusto 3 agud irepresenta ang Pilipinas sa Miss Supranational 2021 sa Agusto 21.
Ang advance nga pag-korona kay Dindi ang kasunod sang pagreschedule sang coronation night sang Miss World Philippines nga dapat kuntani subong Hulyo 25 apang gin-isol sa Agusto 8 bangud sa mas istrikto nga COVID-19 status sang Metro Manila.
