ILOILO– Naglab-ot na sa 55 ang napatay sa Dengue Hemmorhagic Fever sa probinsya sang Iloilo sa pinaka bag-o nga datos humalin humalin sang Enero 1 tubtob Agosto 10, 2019 .
Kun sa diin may yara sang 11 sa Pototan, Passi, Dingle Sara, Ajuy, Janiuay,Leganes,New Lucena, Estancia kag San Joaquin isa, Sta.Barbara.Oton,Banate,Carles,Pavia,San Dionisio,Dueñas,Zarraga kag Bingawan duha, Maasin tatlo, Lambunao apat, Cabatuan kag Concepion lima.
Samtang 15,531 naman ang bag-o nga data sang kaso sang mga biktima sang nasambit nga balatian.
Sa interview sang Bombo Radyo kay Dr.Patricia Grace Trabado Provincial Health Officer sang Probinsya sang Iloilo iya ginpahayag nga bangud sa mga programa nga ginpatigayon sang Provincial Government, madasig nga nagnubo ang kaso sang dengue.
Mas nangin alerto man ang mga pumuluyo bangud sa wala untat kag pagpadayon nga kampanya batok sa dengue paagi sa pagpangita kag pagpaninlo sa mga posible nga breeding places sang lamok nga may dala sang dengue virus.
