Nakaangkon sang injury ang Pinoy basketball star nga si Kevin Quiambao sa iya imbukada nga hampang sa Goyang Sono Skygunners sa idalom sang Korean Basketball League.
Sais puntos lamang kag isa ka rebound ang nahimo ni KQ sa iya halos siyete minutos nga pag-upod sa game sang Goyang Sono antes ini nagguwa kag wala na nagbalik.
Nalutos ang ila team, 84-57, batok sa Seoul SK Knights.
Natabo ang injury sang nagtuyo si Quiambao nga magpasulod sang tres apang natapakan sang iya tuo nga tiil ang iya kasumpong antes sila nagligid nga duha sa court.
Bangud sa ila ika-lima nga sunod-sunod na nga kalutusan, nag-us-os pa sa 9-20 ang record sang Goyang. Sa pihak nga bahin, nagsaka naman sa 22-6 ang record sang kasumpong nga Seoul nga may Pinoy import man nga si Juan Gomez De Liaño.
Nahibaluan nga former superstar sang De La Salle University si KQ, nangin two-time UAAP Most Valuable Player, kag kabahin sang ginpili ni Coach Tim Cone nga mangin parte sang Gilas Pilipinas.
