Gin-inagurahan na ang seismic station nga gin-establisar sang Philippine Institute of Volcanology and Seismology (Phivolcs) sa Iloilo.
Nahamtang ini sa Central Azucarera de San Antonio, Incorporated nga sugarcane plantation sa Barangay Punong Pequeño, Dueñas, Iloilo.
Ini ang labing-una nga seismic station sa probinsya, kag 115 naman sa bilog nga pungsod. Suno kay Department of Science and Technology (DOST) Undersecretary kag Phivolcs director Renato Solidum, Jr., ini nga seismic station ang makapadasig kag makapasigurado nga mas husto ang impormasyon nga ipa-guwa kaangot sa matabo nga linog.
Suno pa sa institute, bangud nagdugang ang Dueñas Iloilo Seismic Station (DUIP) sa Philippine Seismic Network, mas napasangkad pa ang monitoring capability sang Phivolcs.
Gindayaw man ni Solidum ang partnership sang local government unit (LGU) kag sang pribado nga sektor agud nga ma-welcome ang amo nga station sa amo nga lugar nga ginakabig ideal site para sa earthquake monitoring.
Una na nga ginpahayag sang Phivolcs nga 115 ka seismic stations ang iga-establisar antes magtakop ang termino ni Presidente Rodrigo Duterte. ##
