ILOILO CITY- Patay ang isa ka lalaki matapos ginluthang sang iya man lang kasilingan sa Barangay Bolong Oeste, Sta. Barbara, Iloilo.
Ang biktima amo si Felix Soqueño, 45 anyos nga nag-angkon sang pilas sa ulo kag kamot kag iban pa nga bahin sang lawas.
Ang suspek naman amo si Rey Gabata, isa ka seaman.
Sa interview sang Bombo Radyo kay Rejean Simbahon, tinawo sang biktima, iya ginpahayag nga nagbaisay ang biktima kag ang suspek matapos nag-agi sa right of way nga ginaangkon sang suspek ang multicab sang biktima nga may karga nga balas.
Suno kay Simbahon, madugay na nga ginabalabagan sang suspek ang masami nga paglabay sang salakyan sang biktima bangud nagalitik ang pader sang iya balay.
Pahayag ni Simbahon, matapos nagbaisay ang duha, nagsulod sa iya balay ang suspek kag nagkuha sang pusil kag gintiro ang biktima kag naigo sa butkon kag sang nagtuyo nga malagyo, ginlagas niya ini kag gintiro sang pila ka beses tubtob natumba.
Gilayon naman nga nalagyo ang suspek sakay sa iya salakyan.
Samtang, nasalabat naman ang isa ka babaye nga nagabusong sang nagpalupok ang suspek.
Ini amo si Leonisa Soriga Solas.
Narekober nama ang lima ka bala sang caliber .30 sa crime scene.
