Madasig nga nadakpan sang duha ka traffic enforcers sang Iloilo City Traffic and Transportation Management Office (ICTTMO) ang lalaki nga ginaalegar nga naghurikap sa isa ka estudyante.

Gilayon nga gindakop nanday Reynald Alag kag Victor Gane ang ginatudlo nga suspek matapos nila maaktohan ang insidente agud maprotektahan ang estudyante kag malikawan ang posible nga dugang nga pagpang-abuso.

Wala na nagpalawig ang duha ka enforcers kag gilayon nga gintawgan ang kapulisan agud madakpan ang suspek kag mahatagan sang nagakaigo nga legal nga akto.

Ang insidente nagapahanumdom sa publiko nga indi dapat pagbalewalaon ang amo sini nga hitabo nga nagabutang sa peligro sa kaluwasan sang iban, ilabi na sang mga estudyante.

Gani, ginapanawagan sang ICTTMO ang publiko nga mangin mabinantayon kag gilayon magreport sa mga otoridad kung may masaksihan nga makaduluda ukon indi maayo nga buluhaton.

Text by: Bombo Cyrene A. Nasis