ILOILO CITY- Paandam anay kay ang aton balita espesyal may pagka-sensitibo ang kaundan.
Isa sa pinakadelikado nga maigo sang bala amo ang ulo sang tawo.
Milagro na gid lang kun makasalbar ang tawo nga naigo sang bala sa ulo.
Kag kun matuod gid man ang milagro, ehemplo diri ang isa ka lalaki sa Brazil.
Natabo ini sang sini damlag lang sang ang 21-anyos nga si Mateus Facio ang naga-party sa isa ka bar kag sang hinali lang, may nabatian ini nga matunog nga gahod kaangay sang lupok nga ginsundan sang paghapdi sang parte sang iya ulo.
Didto na nagtulo ang dugo kag ginbuligan siya sang iban nga tawo nga hatagan ini sang atensyon- medical.
Sa iya pagdumdom, naigo lamang siya sang bato rason nga sang nagbiya na ini sa bar, nangin normal lamang ang iya ginhimo- nakigkita siya sa mga abyan, kag nagasulod sa trabaho, kag nagpary-party gihapon sa sulod sang apat ka adlaw.
Apang sa ikaapat nga adlaw, didto na niya nabatyagan nga may yara sang indi kinaandan sa iya lawas-nagpalangluya ini gani gindala siya sa ospital kag didto na natukiban nga may bala gali sang pusil sa iya ulo rason nga ginpaidalom ini gilayon sa operasyon.
Halos indi naman makapati ang mga doktor kag amo man ang pamilya ni Mateus sa milagro nga natabo sa iya.
