ILOILO CITY- Ginbawian gid sang kabuhi ang isa ka lalaki matapos nalumos sang naligo ini sa baybay sa Sitio Bolitas, Barangay Barosbos, Carles, Iloilo.
Ang biktima amo si Efren Barba, 48, residente sang Brgy. Aranjuez, Balasan, Iloilo.
Suno Kay PSSGT Kristopher Balaan sang Carles Municipal Police Station,kaupod ni Barba ang iya pamilya nga nagpaligo kag nag inom-inom.
Sang naligo sila sa dagat, hinali lang nasiplatan ang biktima nga wala na nagahulag.
Gindala pa ini sa ospital apang gindeklarar nga dead-on-arrival.
