ILOILO CITY-Kun ikaw ang nagapalangga, dapat isa lang ang imo palanggaon.
Apang may iban gid ya nga indi makontento sa isa lang.
Kaangay sang lalaki sa China nga ginpakaslan sini sang sekreto ang tatlo tanan ka mga babayi kag ginpatiner sa lugar nga isa lang ka kilometro ang distansya sa isa kag isa para sa iya kaugalingon nga interes.
Ang 41- anyos nga lalaki nga ginkilala kay Zhang ang nagpangatubang sang duwa ka tuig nga pagkabilanggo bangud sa kaso nga polygamy matapos legal sini nga ginpakaslan ang tatlo ka mga babayi sa sulod sang tatlo ka tuig.
Nagatrabaho siya bilang isa ka real estate agent rason nga indi problema sa iya ang magsagod sang tatlo ka pamilya.
Gin-ako ni Zhang nga ang magkadto sa tatlo ka balay 10 ka beses sa isa ka semana ang makapoy para sa iya.
Ginpakaslan sini ang una niya nga asawa nga si Ren sadtong 2015, ang ikaduwa nga asawa nga si Chen sang 2018 kag ang ikatatlo nga asawa nga si Wang sadtong tuig 2019.
May yara naman siya sang tag-isa ka anak sa tatlo ka mga babayi.
