Liwat nga nagpasalig si Presidente Rodrigo Duterte sa mga residente sang Cagayan Valley nga ginahimo sang gobyerno ang ila trabaho agud mabuligan ang tanan nga apektado sang lapnagon nga pagbaha dala sang Bagyo Ulysses.
Sa iya situation briefing sa probinsya sang Cagayan, ginpahayag sang presidente nga may yara na sang kapin P1 million nga balor sang assistance nga nahatag sa Region 2 paagi sa Department of Social Welfare and Development, local government units kag non-government organizations.
Ginbasol man ni Duterte sa “climate change” ang kalamidad nga natabo sa Cagayan Valley.
“Ang problema po talaga, whether we accept it or not, itong climate change.”
Nahibaluan nga santo sa latest data sang National Disaster Risk Reduction and Management Council, nagsaka na sa 67 ang patay bangud sang paglaslas sang Bagyo Ulysses; 22 sa sini nga numero ang nagikan sa Region II.
Samtang, gin-anunsyar naman sang Department of Agriculture (DA) nga magahatag ang ahensya sang P2.2-billion worth of assistance sa mga mangunguma sa Region II.
Suno kay Agriculture Secretary William Dar, lakip sa ayuda nga igahatag amo ang bugas, rice seeds, corn seeds, fertilizers, seedling trays, poultry goods, kag mga pato.
Igahatag ang P846 million sa Cagayan, P986 million sa Isabela, P148 million sa Nueva Vizcaya, kag P18 million sa Quirino Bridge, kag P41 million diri ang magahalin sa National Food Authority (NFA).
