GUIMARAS– Ginpatigayon subong nga adlaw ang legislative Inquiry sa Sanguniang Panlalawigan sang Guimaras agud istoryahan ang natabo nga insidente sa Iloilo Strait kun sa diin 31 ka tao ang napatay.
Sa interview sang Bombo Radyo kay Liezl Galan, Public Information Officer sa probinsya sang Guimaras iya ginpahayag nga istorayahan sa nasambit nga pag atubangay ang pila ka mga concerns sang mga surivivors kag himata sang pamilya sang biktima kaangay sang kun ano ang matuod nga gin tunaan sang pagkulob sang tatlo ka motor banca kag kun ano ang natabo sa pagresponde sang Philippine Coastguard.
Suno kay Galan, imbitado sa Legislative Inquiry ang mga survivors sang nasambit nga trahedya kag himata sang mga nalisdan, crew sang tatlo ka motorbanca nga nagkulob kag nagkapan, Philippine Coastguard, MARINA yara man si Vice Governo John Edward Gando kag iban pa nga mga ahensya nga may partisipasyon sa nasambit nga trahedya.
Dugang pa sang natungdan, talakayon man sa Legislative Inquiry ang mga aksyon nga himuon agud malikawan ang kaangay nga trahedya kag may kaangtanan man sa krisis nga gin agyan sang probinsya bangud sa pagpauntat sang byahe sang mga motorbanca kun sa diin nag antos ang mga tripulante kag mga Guimarasnon.
