Gin-relieve si Police Brigadier General Josefino Ligan bilang director sang Police Regional Office (PRO) VI epektibo subong nga adlaw, Mayo 22.
Ini nga reassignment ang base sa Special Orders mga gin-aprubahan sunod sa mando ni Philippine National Police (PNP) Chief General Jose Melencio Nartatez Jr.
Sa amo nga order, iga-assign si Ligan sa Directorate for Operations.
Matandaan nga sang Hunyo 2025 sang nag-abot si Ligan sa Western Visayas agud nga pangunahan ang police force. Antes siya nag-abot sa Region VI, nangin masangkad ang iya eksperyensya bilang District Director sang Northern Police District (NPD) sa idalom sang National Capital Region Police Office.
Magapungko naman bilang bag-o nga Director sa PRO VI si Police Brigadier General Randulf Torres Tuaño nga amo ang outgoing chief sang Public Information Office sang PNP.
Myembro si Tuaño sang Philippine National Police Academy (PNPA) Class of 1995 kag nangin direct upperclassman ni Ligan.
Antes siya na-assign bilang chief sang PNP-PIO, nangin hepe siya sang General Mariano Alvarez Police Station sa Cavite kag nagpungko man bilang former Deputy Director for Administration sang PNP Finance Service.
Nahibaluan nga magluwas sa duha ka opisyal, nakabutang man sa order ang relief kag reassignment sa lima ka iban pa nga senior officers nga epektibo man subong nga adlaw.
Ini amo ang masunod:
- PBGen Arnold Peralta Ardiente — PRO 12 to Directorate for Intelligence (DI)
- PBGen Edwin Col-Long Balles — DI to PNP Anti-Kidnapping Group
- PBGen Alan Bolongon Manibog – Directorate for Operations to PRO 12
- PCOL Allen Rae Figuracion Co — PRO 2 to Office of the Chief, Philippine National Police (OCPNP)
- PCOL Reynaldo Delos Reyes Pasiwen — Civil Security Group to Directorate for Intelligence (DI)
Natalana pa nga magpaguwa sang official statement ang PNP kun ano ang rason sang pag-relieve kag pag-reassign sa sini nga mga officer.#
(Report: Bombo Krylle Panizales Melliza)
 VI epektibo subong nga adlaw, Mayo 22.){kind=link}