Linibo ka mga pangalan sang displaced workers sa syudad sang Iloilo ang nalista na sang Iloilo City Social Welfare and Development Office (CSWDO) kag ginpasa sa Department of Social Welfare and Development (DSWD).
Sa interview sang Bombo Radyo kay Teresa Gelogo, Head sang CSWDO, iya ginpahayag nga ang ila nalista nga displaced workers amo ang ginalakipan sang vulnerable sectors, mga driver, mga barbero kag iban pa nga lunsay nadulaan sang trabaho sang nag-umpisa ang COVID-19 pandemic.
Suno kay Gelogo, iga-assess pa sang DSWD kun pila ang mangin budget para sa ayuda nga ipanagtag sa mga matumod nga qualified beneficiaries.
Dugang sang natungdan, nakadepende man sa DSWD kun san-o ang petsa nga mapanagtag ang cash assistance.
