ILOILO CITY- Sa tanan nga prutas nga aton ginakaon, masami nga ginahaboy lang naton ang ila liso.
Apang panumduma liwat kay may liso sang paborito mo nga prutas nga dapat hatagan mo sang tsansa nga buligan ang imo ikaayong lawas.
Ini amo ang liso sang abukado nga suno sa National University of Singapore, nakit-an nga may yara sang 70% sang antioxidant content .
Ang incredible fiber content nga may upod nga natural oils, vitamins kag minerals ang makabulig sa pag-improve sang digestion, reduced inflammation kag naangot man sa paglikaw sa development sang cancer cells.
Ang liso mahimo mo nga kihadon kag tuktukon kag isimpon sa imo nga pagkaon ukon ilimnon.
Suno kay Dr. Tom Wu, isa ka physician nga ginpasidunggan sang American Cancer Society kag United Nations, nakumpirma niya nga ang avocado seeds nagatanyag sang most intense amounts sang soluble fiber.
Ang soluble fiber nagabulig sa pagkakas sang kolesterol sa cardiovascular system gani makabulig ini sa paglikaw sa heart disease, heart failure kag stroke.
Ang intense burst sang antioxidants sa abukado ang nagabulig sa pagpanubo sang oxidative stress nga tuga sang harmful UV rays sang adlaw kag amo man sang pollution kag chemicals.
Makabulig ini sa pag reduce sang visible signs sang aging, kag naga- rejuvenate sang tone kag condition sang skin tissue gani mas young- looking ang imo panit.
