Kalabanan sa aton, tubtob lang sa paghandom nga makasaka kita sa Mt. Apo nga amo ang pinakamataas nga bukid sa Pilipinas.
Gani pat-ud nga mahisa ka gid sa isa ka 70-anyos nga lola nga natuman ang iya handom nga masaka ang bukid nga nagataas sang malapit sa 3,000 meters above sea level.
Siya amo si Letecia Sobebe sang Misamis Occidental.
Pag-abot sa ibabaw sang Mt. Apo, nag-ilis pa ini sang iya hiking gear kag ginsuksok ang isa ka pink nga Filipiniana kag may pearl necklace pa.
Ang Mt. Apo nahamtang sa borders sang Davao kag North Cotabato sa Mindanao.
Sa masami, nagalawig sang tatlo ka adlaw bag-o makompleto ang pagsaka diri.
