Masobra 100 ka myembro sang armed forces ang naghikot agud maaresto ang most wanted Mafia boss sa Italya kag number 1 fugitive sa pungsod nga si Matteo Messina Denaro.
Nadakpan si Denaro sa isa ka pribado nga health clinic sa Sicily kun sa diin gina-alegar nga nagabaton ini sang treatment bangud sa cancer.
30 ka tuig man nga nagpanago si Denaro sa mga pulis matapos nga na-convict sa dalagku nga mga krimen.
Siya ang ginatudlo boss sang notorious nga Cosa Nostra Mafia kag na-sentensyahan sang bilog nga kabuhi nga pagka-preso sang 2002 bangud sang nagkalain-lain nga murders.
Isa siya ka fugitive halin sang 1993 kag gina-konsiderar sang Europol nga isa sa “most wanted men” sa bilog nga Europa.
Lakip sa mga krimen nga iya nahimo amo ang pagpatay sa duha ka anti-Mafia prosecutors sang 1992, fatal bombings sa Milan, Florence kag Rome sang late 1990s, kag pagpatay kag pag-torture sa 11-anyos nga anak nga lalaki sang tawo nga nag-testigo batok sa Sicilian Cosa Nostra.
Sang una, matandaan nga ginpadayaw pa sini nga masarangan niya nga pun-on ang patyo sa iya nga mga biktima.
Ang amo nga Mafia boss ang kilala man sa racketeering, illegal waste dumping, money-laundering kag drug-trafficking para sa Cosa Nostra organised crime syndicate.
Para sa police force kag kay Italian Prime Minister Giorgia Meloni, kadalag-an ini sang Italya kag pamatuod nga wala naga-untat ang otoridad sa pagpangpapas sang mga Mafia. ##
