ILOILO CITY – Ginbawi-an sang kabuhi ang mag-asawa matapos nabunggu-an sang sports car sa Diversion Road, Mandurriao, Iloilo City.
Sa interview sang Bombo Radyo kay Police Master Sergeant Alfredo Masamong Jr., imbestigador sang Mandurriao Police Station, iya ginpahayag nga napatay ang biktima nga si Alnie Dinah Osano nga gindala sa Medicus Medical Center kag amo man ang bana nga si Joe Marie Osano nga gindala sa Western Visayas Medical Center.
Si Joe Marie ang may yara sang pilas sa ulo kag bali sa tiil samtang pilas sa abaga, baba kag sag-ang ang naangkon ni Alnie Dinah.
Ginapaidalom naman sa imbestigasyon ang driver sang sports car nga si June Paul Valencia, 32, kag ginapahayag naka-base na sa Canada.
