ILOILO CITY- Patay ang mag- utod matapos nakuryente sa Barangay Sablogon, Passi City.
Ang mga biktima amo sanday Melco Cruz, 47 anyos kag manghud nga si Very Cruz, 45 anyos, lunsay pumuluyo sang nasambit nga lugar.
Sa interview sang Bombo Radyo kay Police Staff Sergeant Roderick Larida, imbestigador sang Passi City Police Office, iya ginpahayag nga base sa ila imbestigasyon, ginapangita sang duha ang ila manok nga nakabuhi.
Suno kay Larida, disrasya nga natandog sang magulang ang live wire sang water pump nga nagaangt sa barbed wire kag sang gintuyo sang manghud nga luwason ang iya utod, paagi sa pagbutong sa iya, nakuryente man ini.
Kasunod sang insidente, nagpasalig ang Passi City Government sang bulig sa mag- utod nga nagkalamatay bangud nga empleyado sang local government unit ang biktima nga manghud.
