Nakahibalo ka bala nga ang masami ginatunaan sang madamo nga balatian amo ang indi maayo nga pagtatap sa imo mga kuko?
Natukiban sang mga eksperto nga ang warning signs sang mga systematic disease kaangay sang lupus kag anemia ang matumod sa mga kuko sang isa ka indibidwal.
Suno kay Dr. Tamara Lior, dermatologist sa Florida sa Estados Unidos, kun ang mga mata naton amo ang window to the soul, amo man ang aton mga kuko, gani nagakadapat nga tatapon ini kag indi pagpatumbayaan.
Agud mapabilin ang healthy nga mga kuko sa mga tudlo sang kamot kag tiil, kag malikawan ang pila ka mga inpeksyon, yari ang pila ka mga panugyan sang doktor:
- Likawan ang pagbutang sa mga kuko sang nail polish remover nga may acetone;
- Mag-angkon sang balanced diet kag mag-inom sang vitamins nga manggaranon sa biotin;
- Mag-apply sang moisturizer adlaw-adlaw agud malikawan ang pagcrack sang mga kuko;
- Ipabilin ang mga kuko nga matinlo kag dry; kag
- Likawan ang masami nga pagkuha sang ingrown sa toenails
Dugang nga abiso ni Lior, agud masiguro nga healthy ang imo mga kuko, pakamaayuhon nga ipalantaw ini sa doktor.
