Gin-athag sang Malacañang nga mga kriminal lang ang wala gina-abi-abi kun mag-abot sa Pilipinas.
Kabahin ini sang nangin statement ni Palace Press Officer kag Undersecretary Claire Castro bilang pagpahangop nga wala partikular nga gina-target ang mga Chinese nationals ukon ang sin-o man nga nationality nga nagasulod sa Pilipinas.
Kaangot ini sa nangin pahanumdom sang Chinese embassy sa ila mga nationals nga maghalong kun magbyahe sa Pilipinas bangud sa indi estable nga public security situation kag bangud sa nagadamo nga “harassment” sa Chinese citizens.
Ginsiling man sang embahada sang China nga bangud sa nagadamo nga political assemblies kag protesta kag mga demonstrasyon sa pungsod, mas mataas ang risgo sa seguridad para sa mga Chinese kag sa ila nga mga negosyo diri sa Pilipinas.
Wala na ginsapak ni Castro ang pahayag nga nagadamo ang political assembly, apang nagtutok ang iya sabat sa ginaalegar “harassment” sa mga Chinese.
“Ang kanilang mga travel advisory is just a normal consular function of China. At we can assure China na hindi na po tayo nagta-target ng particular nationality or particular national na para I-harass. Tandaan po natin, lahat po dito ay welcome, except po, of course kapag gumagawa po ng krimen. I-implement po natin kung ano po ang batas,” suno kay Castro sa briefing.
Pahayag sini, posible nga naangot ang “safety reminder” sang China sa paglagas sang otoridad sa iligal nga Philippine offshore gaming operators ukon kaangay nga mga operasyon kun sa diin Chinese nationals ang kalabanan nga nagakadakpan.
“Malamang po nasasabi po nila ito, dahil sa ating pagpapatupad dito sa Pogo na dapat ay mawala na sa atin, at karamihan po dito ay mga chinese nationals. So, malamang po ay isa ito sa nagiging isyu po,” dugang ni Castro.
Nahibaluan nga magluwas sa POGO, madamo man nga Chinese nationals ang gindakop sa una nga mga binulan subong nga 2025 bangud sa ginaalegar nga pagpang-espiya sa gobyerno kag sa militar pati na sa West Philippine Sea.#
