Iduso liwat ni Senator Ronald “Bato” Dela ang mandatory ROTC (Reserve Officers Training Corps) bill sa 19th Congress kun magbukas na ini sa Hulyo 25.
Suno kay Dela Rosa, i-file niya ang kaangay man nga hagna nga gin-file niya sang 18th Congress, apang nagpabutyag man ini sang interes nga magduso sang hagna sandig sa kun ano ang luyag ni Vice President-elect Sara Duterte Carpio.
Kun balik-balikan ang nangin proposal ni Dela Rosa, iga-introduce ang mandatory ROTC program sa Grades 11 kag 12 sa public kag private schools.
May yara man sang advanced ROTC nga mangin available sa una nga duha ka tuig sa kolehiyo nga para naman sa mga luyag mangin officers.
Pahayag sang senador, kinahanglan nga ibalik ang lihok sang gobyerno nga amo ang makapabangon sang “sense of pride, nationalism, and patriotism” sang mga kabataan.
Ginmensyonar man sini ang nagapabilin nga pagpamahog sang China sa Pilipinas sa away sa West Philippine Sea.
Pahayag sang senador, ang iya nga ROTC bill amo ang “mild version” ipaanggid sa mandatory two-year military service nga gin-propose anay ni Vice President-elect Duterte.
Gintumod ni Dela Rosa ang anay ginmuno ni Duterte-Carpio nga luyag niya nga may mandatory military training and service sa Pilipinas kaangay sa ginahimo sa South Korea kag Israel.
Nahibaluan nga nangin optional na lang ang ROTC sa Pilipinas halin sang 2002 kasunod sang kamatayon ni Mark Chua, estudyante sa University of Santo Tomas student.
Ginpahayag nga ginpatay siya sang course officers matapos sini ginbuyagyag ang natabo nga ROTC fund mismanagement.
Sa subong, ang ROTC ang nalakip sa 3 components sang National Service Training Program. Ang duha ka iban pa amo ang Civic Welfare Training Service (CWTS) kag Literacy Training Service (LTS).
