Naghingyo ang manufacturers sang canned sardines sa Department of Trade and Industry nga pahanugutan sila nga magpasaka sang presyo agud nga makabawi-bawi man sa igu sang pagsaka sang presyo sang produktong petrolyo.
Sa statement sang Canned Sardines Association of the Philippines (CSAP), ginhingyo sini sa ahensya nga talupangdon man gilayon ang ila nga hingyo bangud nagasuprer ang ila nga negosyo samtang nagalala man ang away sang Russia kag Ukraine nga amo ang direkta nga nagaapekto sa presyo sang fuel products.
Suno sa manufacturers, kuntani indi naman masulit ang natabo sang kasagsagan sang pandemya kun sa diin tinuig nga wala na-adjust ang SRP rason nga nagsuprer sang kapierdehan ang canned sardines industry.
Una na nga nagpahayag ang DTI nga ginatun-an na nila ang mga petisyon kaangot sa pagpasaka sang presyo sa nagapanguna nga balaklon.
