Pilason ang isa ka manunudlo matapos ginkastigo sang isa sa iya mga estudyante samtang yara sa ilimnan sa Mondragon, Northern Samar.
Ang biktima amo si alyas “Rohel”,45-anyos, residente sang Las Navas, Northern Samar.
Ang suspek amo si alyas “Jari”, 19-anyos, Grade 11 student, residente sang Barangay Zone 1, San Roque.
Suno sa imbestigasyon, sang nahubog na ang mga ini, hinali lang nga ginlampusan sang suspek ang biktima sa iya nawong kag ginsumbag sang makapila ka beses sa lawas.
Nagtambag naman ang isa nila ka upod nga si alyas “Bren”, 17-anyos.
Nagresponde naman ang mga tanod kag nadakpan ang suspek kag ginturn-over sa kapulisan.
Padayon pa ang imbestigasyon sa insidente.
